محمد رياض يروي تفاصيل اعتزاله كرة القدم واتجاهه للتمثيل
12:13 م
السبت 11 مارس 2023
كتب- هاني صابر:
تحدث الفنان محمد رياض، عن مشواره الرياضي واعتزاله كرة القدم واتجاهه للتمثيل، مؤكدا أنه كان لاعبا ضمن صفوف نادي أبو سمبل.
محمد رياض قال ببرنامج “معكم منى الشاذلي”: “كنا نادي درجة تانية، تحت سن 17 سنة و19 سنة.. وقتها طلعنا الدوري الدرجة الأولى وبنلاعب الأهلي والزمالك والفرق دي، وكنا فرقة بلا تمويل، مكنش فيه فلوس وكنا بنشتري الحاجات على حسابنا”.
وتابع رياض: “كنت بلعب باك رايت وكنا بنلاعب نادي اسمه نادي المية،وفي الشوط الأول الكورة اترمت من ورايا وشايفها عدت من فوقي وبيني وبين لاعب الفريق التاني 5 أو 6 متر قلت هلف براحتي ده مش هيجيبني، في ثانية مشوفتوش، الواد صاروخ خد الكورة وجاب جون، أول جون جه بسببي”.
وأضاف محمد رياض: “عرفوا بقى إني مش عارف ألاحق الواد، فيرموا الكورة من ورايا والواد صاروخ، مش عارف أضربه ولا أوقفه ولا عارف أعمل حاجة، ده كان أسرع من محمد صلاح، والله ما كنت بشوفه، بيعدي بسرعة الصاروخ، مبلمحوش، كان خرافة.. خلصت الشوط الأول وطبعا غيرني المدرب، مكملتش الماتش دخلت أوضة اللبس وغيرت ورجعت البيت واعتزلت ومروحتش النادي تاني خالص”.
يذكر أن محمد رياض يشارك في دراما رمضان 2023 بمسلسل “المداح 3” بطولة حمادة هلال.
مسلسل “المداح 3- أسطورة العشق” بطولة حمادة هلال، يسرا اللوزي، خالد زكي، محمد رياض، رانيا فريد شوقي، وعبد العزيز مخيون، دنيا عبد العزيز، خالد سرحان، حنان سليمان، تامر شلتوت، وصبحي خليل، وهو من تأليف أمين جمال، وإخراج أحمد سمير فرج.
#محمد #رياض #يروي #تفاصيل #اعتزاله #كرة #القدم #واتجاهه #للتمثيل
No comments:
Post a Comment